დღე: ოქტომბერი 13, 2019

თელავში ორი ახალგაზრდა ბიჭი დაჭრეს

სისხლიანი დაპირისპირება – თელავში ცივი იარაღით ორი ახალგაზრდა დაჭრეს. გავრცელებული ინფორმციით, მომხდარს წინ შელაპარაკება უძღოდა.

დაჭრილები თელავის რაიონულ სავადმყოფოში არიან მოთავსებული. პოლიციამ ბრალდებული ცხელ კვალზე დააკავა.

გამოძიება სისხლის სამართლის კოდექსის 19-108-ე მუხლით დაიწყო,რაც განზრახ მკვლელობის მცდელობას გულისხმობს

წყარო: ნიუპოსტი

„ქალი რომ ქმრის წინ იტლიკინიბეს, იმ ქალს რაღაცა მოხვდება” – ყოფილი ცოლის მკვლელობაში ბრალდებულის მეზობელი

ხაშურში მომხდარ საზარელ მკვლელობაზე, ყოფილი ცოლის მკვლელობაში ბრალდებულის მეზობელი საუბრობს და აცხადებს, რომ ირაკლი დეკანოიძე ცუდი ადამიანი არ იყო.

“არ იყო ცუდი ბიჭი, ფაქტი არის, რომ მკვლელობა მოხდა. არ უნდა მომხდარიყო. მაგრამ ასე გაშვებული არ უნდა იყოს ქალები. ქალს კაცის მერე უნდა ჰქოდეს ხმა. დაალაპარაკე ჯერ ქმარი. ქალი რომ ქმრის წინ იტლიკინებს, იმ ქალს რაღაცა მოხვდება” – აცხადებს ცოლის მკვლელობაში ბრალდებულის მეზობელი.

შეგახსენებთ, ტრაგედია ხაშურში გუშინ დატრიალდა. ყოფილმა ქმარმა ახალგაზრდა გოგოს მძიმე დაზიანებები მიაყენა. 30 წლის ნათია გოგოლაძე საავადმყოფოში მიყვანიდან რამდენიმე საათში გარდაიცვალა.მკვლელობაში ბრალდებული ირაკლი დეკანოიძე, პოლიციამ ცხელ კვალზე დააკავა.

შინაგან საქმეთა სამინისტროს ცნობით, წარსულში ნასამართლევმა მამაკაცმა ყოფილ მეუღლეს ავტომატური ცეცხლსასროლი იარაღის კონდახით თავის არეში სასიკვდილო დაზიანებები მიაყენა და შემთხვევის ადგილიდან მიიმალა. ჩადენილი დანაშაული 13-დან 17 წლამდე ვადით თავისუფლების აღკვეთას ითვალისწინებს.

წყარო: (რეზონანსი)