ავტორი: admin

„უბრალოდ გამიხარდებოდა ვინმეს გავხსენებოდი“ – ერთადერთი ცოცხალი გმირი „შინდისის“ პრემიერაზე არ მიიწვიეს

შინდისის ბრძოლის ცოცხლად გადარჩენილი გმირი უჩა გუგუჩია გუშინ კინოთეატრ „ამირანში“ „ოსკარზე“ საქართველოს კანდიდატი ფილმის, „შინდისის“ პრემიერას ეხმაურება, რომელსაც მთავრობის წარმომადგენლები და შინდისის გმირების ოჯახების წევრები ესწრებოდნენ. მისი თქმით, ფილმის ჩვენებაზე ის არავის მიუწვევია და არავის გახსენებია, მიუხედავად იმისა, რომ ისიც დანარჩენებთან ერთად გმირულად იბრძოდა. შეგახსენებთ, რომ ფილმი 17 ქართველ ჯარისკაცზეა, რომლებმაც მტერთან ბრძოლას შესწირეს თავი.

“ძალიან გთხოვთ შინდისზე ნურაფერს მკითხავთ და მაგ ფილმზე არაფერი ვიცი, მე არ მიყურებია და რატომღაც, არც პრემიერაზე მივუწვევივარ არავის, სამაგიეროდ, ისინი მოიწვიეს და ისხდნენ პირველ რიგებში, რომ როცა შინდისში ბაგაბუგი მიდიოდა, მანდ ვიბრძოდი ბოლო მასრის გასროლამდე ჩემ გმირ ძმებთან ერთად, ეგენი ზოგი წითელხიდთან იდგნენ, ზოგი კი “ხუი ეგოზნაეტ” სად. ეგ არაფელია, არ მწყენია. მე მაინც არასოდეს და ვერასოდეს ვუყურებ მაგ ფილმს, უბრალოდ გამიხარდებოდა ვინმეს გავხსენებოდი…

თუმცა, მოვა დრო და მე შევახსენებ ბარეორს ჩემს თავს და დედებსაც მოუხსენიებ “ლოპ ნა ლოპ” და არა ზურგსუკან. მე კი მადლობას ვუხდი მსახიობებს და გადამღებ ჯგუფს დანარჩენს “პა პოჟე” შევხდები “ლოპ ნა ლოპ” და არა… ზურგული არაფერი ვიცი მე. იმედია, ნორმალური გამოვიდოდა რამე, ყოველშემთხვევაში, ასე მინდა . მეტყვიან, ალბათ, მეგობრები ვინც უყურებს, მე არ მინდა. რეკლამასაც ვერ უყურე ბოლომდე, “ნიტოდ” გავხდი, მოვარიდებ თავს და სიმართლეს – იბეჭდება წიგნი და სრულ ვერსიას აუცილებლად გაიგებს ყველა, ფაქტებით და არგუმენტებით.

თუ რამე დანაშაული მაქვს ქვეყნის წინ, ეს ის არი რომ გადავრჩი, მეტი არაფერი. ეხლა უკვე ვნანობ ამ ყველაფერს! თუმცა დედას მე …. ამ ცხოვრების და ასეთი გადარჩენის, რეები მესმის იქ მყოფ კაცს ჩვენზე, ჩემს ძმებზე, გაოგნებული ვარ – მე ვიყავი მანდ თუ ესენი? დაბნეული ვარ მაგარი. რებს იძახიან, რებს თხზავენ, კაროჩე რააა. იყოს მასე როგორც თქვენ გწადიათ, ბრავო. მადლობა ყველაფრისთვის, შეგიძლია დილით სულ სხვა ხერხსაც მიმართოთ, მე უკვე ავიბარგე, სბოგამ, ბურთი თავისი მოედნით თქვენი იყოს, ბედნიერად”.- წერს უჩა გეგუჩია

წყარო: hotnews.ge

აშშ-ს სადესანტო ძალების სწრაფმავალი ხომალდი საქართველოსკენ მოცურავს!

14 სექტემბერს, 17 საათსა და 30 წუთზე, შავ ზღვაში აშშ-ს სადესანტო ძალების სწრაფმავალი ხომალდი USNS Yuma (T-EPF-8) შემოვიდა. 2019 წლის ივნისის ბოლოს, სწორედ ამ ხომალდმა ჩაიყვანა ოდესაში ამერიკელი საზღვაო ფეხოსნების ბატალიონი, საკუთარი ტექნიკით – „სი ბრიზ 2019“-ში მონაწილეობის მისაღებად. როგორც ჩანს, ამჯერად ის საქართველოსკენ მოემართება. უკრაინული „შავი ზღვის მონიტორინგის“ მონაცემებზე დაყრდნობით ასევე ცნობილია, რომ მას შორიახლოს მოსდევენ რუსული გემები და აკვირდებიან.

ეს უნიკალური გემი-კატამარანი ექსპლოატაციაში 2016 წელს ჩაუშვეს. მისი სიგრძე 103 მეტრი, სიგანე კი 28,5 მეტრია. ამ ტიპის გემებისათვის მას ფანტასტიკური სიჩქარე აქვს –  80 კმ/სთ. მისი სრული წყალწყვა 2400 ტონაა. შეუძლია გადიყვანოს 300 ფეხოსანი სრული შეიარაღებით. გარდა ამისა, აქვს ვერტმფრენების დასაჯდომი მოედანი და რამდენიმე ვერტმფრენის მიღების საშუალება. მიუხედავად ამხელა გაბარიტებისა და პარამეტრებისა, იგი წყალში მხოლოდ 4 მეტრზეა ჩაშვებული და შეუძლია  ნებისმიერ საზღვაო ნაპირს პირდაპირ, პორტის გარეშე მიადგეს და იქ საზღვაო დესანტი გადასხას. ამ უნიკალური თვისებების მიღწევა ინჟინრებმა გემი-კატამარანის უნიკალური კონსტრუქციითა და მის მასალად ზემტკიცე და მსუბუქი ალუმინის შენადნობის გამოყენებით შეძლეს.

(ჰოთნიუსი)

თეა წულუკიანი – ძალიან დიდი ფინანსური ტვირთისგან 37 ათასზე მეტი ადამიანი გათავისუფლდება

იუსტიციის სამინისტროს ინფორმაციით, მოქალაქეებს 23 538 178 ლარის მოცულობის ჯარიმა-საურავები ჩამოეწერებათ. სახდელისაგან ის პირები გათავისუფლდებიან, რომლებმაც ადმინისტრაციული სამართალდარღვევა 2019 წლის 15 იანვრამდე ჩაიდინეს. ამასთან, კანონი მოქალაქეებს, სახდელთან ერთად, მასზე დარიცხულ საურავებსაც ჩამოაწერს.

საქართველოს იუსტიციის მინისტრის, თეა წულუკიანის განცხადებით, მნიშვნელოვანია, რომ პარლამენტმა მხარი დაუჭირა ინიციატივას, რომელიც ითვალისწინებს სოციალურად დაუცველების, პენსიონერების, ომისა და თავდაცვის ძალების ვეტერანების, არასრულწლოვნების, შშმ პირების, მარტოხელა მშობლებისა და დევნილების ადმინისტრაციული სახდელისგან ერთჯერად გათავისუფლებას.

„აღსრულების ეროვნული ბიუროსა და ჩვენს აღმასრულებლებს იმ ადამიანების შეწუხება უწევთ, რომელთაც ისედაც უამრავი პრობლემა აქვთ. ყოველდღიურ რეჟიმში ახსენებენ, გადაიხადე ესა თუ ის თანხა. ამ კანონით, ეს წნეხი მოხსნილია. 37 000-ზე მეტი ადამიანია და მთლიანი ფინანსური ტვირთი, რომელიც მოიხსნება, არის 23 მილიონ ლარზე მეტი. ჩვენ დავიწყებთ ამ საქმეების დახურვას და თითოეულ მათგანს ამის შესახებ უკვე აღსრულების ბიურო უმოკლეს დროში აცნობებს.

მოცემული მოწყვლადი ჯგუფების გათავისუფლება იმ შემთხვევაშია ძალაში, თუ ადმინისტრაციული სამართალდარღვევა ჩადენილია 2019 წლის 15 იანვრამდე. შესაბამისად, როდესაც ეს პროექტი წარვადგინეთ ჯერ მთავრობაში და შემდგომ პარლამენტის წინაშე, გულწრფელად მინდა გითხრათ, რომ ვერავითარ პოლიტიკურ მიზანს ვერ დავისახავდით და არ დავისახავდით. ჩვენ ვისახავდით იმას, რაც არის სოციალური პრობლემები, რასაც ჩვენი აღმასრულებლები ყოველდღიურ რეჟიმში აწყდებიან. ვხედავთ, რომ ადამიანებს, რაც არ უნდა კანონმორჩილი იყვნენ, არ აქვთ იმის საშუალება, ეს ფინანსური ტვირთი აწიონ. სწორედ ამ ანალიზის საფუძველზე გამოვყავით ეს ჯგუფები და შევთავაზეთ პარლამენტს ამნისტიის შესახებ კანონი“, – განაცხადა თეა წულუკიანმა.

აფეთქება ქუთაისში – დაშავებულები სკოლის მოსწავლეები არიან

ქუთაისში, ცენტრალურ ბაღში გამართულ ინოვაციურ და მეცნიერების ფესტივალზე ქიმიური კვლევის დროს კოლბა აფეთქდა.

ნამსხვრევებმა 5 მოსწავლე მსუბუქად დააზიანა. მათ სამედიცინო დახმარება ადგილზე გაუწიეს. ბავშვების სიცოცხლეს საფრთხე არ ემუქრება.

მომხდართან დაკავშირებით ,,პრაიმტაიმი” შინაგან საქმეთა სამინისტროს დაუკავშირდა, როგორც უწყებაში განგვიცხადეს გამოძიება სსსკ-ის 124-ე მუხლით დაიწყო რაც რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.

“როგორ ჩანს ჩვენი ჰააგამდე დასჯა გადაწყვიტეს!”- ჯემალ სეფიაშვილი

ყოფილი სამხედრო ჯემალ სეფიაშვილი გაზეთ რეზონანსის გამოქვეყნებულ სტატიას ეხმაურება.

,,ქალბატონმა სალომემ, ახალი შეტვა დაიწყო ყოფილ სამხედროების წინააღმდეგ! როგორც ჩანს ის არ იკმარა, რომ ქართველი სამხედროებს ომის დაწყებაში და მძინარე ცხინვალის დაბომბვა დააბრალა. ვინც უკმაყოფილება გამოვთქვით და გავაპროტესტეთ, ახლა როგორ ჩანს ჩვენი ჰააგამდე დასჯა გადაწყვიტეს! დღესაც იგივეს გავიმეორებ რაც მაშინ, საპრეზიდენტო არჩევნების წინ დავწერე, ანწუხელოძის სამშობლოში, უმაღლეს მთავარსარდლად მოღალატე ზურაბიშვილს არ ავირჩევ!

მზად ვარ, საჭიროების შემთხვევაში მრავალგზის გავიმეორო ზემოაღნიშნული. ”

ჯემალ სეფიაშვილი