Category Archive : საზოგადოება

„მე გავრილოვი არ ვარ“ – რუსეთის მოქალაქეები პარლამენტთან აქციას გამართავენ

 საქართველოში მიმდინარე საპროტესტო ტალღას რუსეთის მოქალაქეებიც უერთდებიან. სლოგანით – „მე გავრილოვი არ ვარ“ – ისინი პარლამენტთან სოლიდარობის აქციას გამართავენ. ღონისძიების ორგანიზატორი ორგანიზაცია სასაზღვრო ზონაა.

„დაიღალე პუტინისგან? დაისვენე საქართველოში“ – წერია ფეისბუქივენთის დახასიათებაში.

აქციის ერთ-ერთი მთავარი მესიჯია ისიც, რომ რუსეთის მოქალაქეები აღიარებენ საქართველოს ტერიტორიების ოკუპაციას და მხარს უჭერენ ქვეყნის ტერიტორიულ მთლიანობას.

აფხაზეთის დე ფაქტო პრეზიდენტობის კანდიდატებმა აფხაზურ ენაში გამოცდა უნდა ჩააბარონ

აფხაზეთის დე ფაქტო რესპუბლიკის საპრეზიდენტო არჩევნებზე დარეგისტრირებულმა კანდიდატებმა აფხაზური ენის სავალდებულო გამოცდა უნდა ჩააბარონ.

ადგილობრივი კანონმდებლობით, პრეზიდენტობა შეუძლია ეროვნებით აფხაზ, 35 წელს მიღწეულ პირს, რომელიც სრულყოფილად ფლობს აფხაზურ ენას.

გამოცდა აფხაზურ ენაში კანდიდატებმა დე ფაქტო საარჩევნო კომისიაში, ადგილობრივი უნივერსიტეტის პროფესორებთან უნდა ჩააბარონ.

რაც შეეხება გამოცდას, ოფიციალური ცნობით, კანდიდატმა წაკითხული ტექსტის შინაარსი უნდა მოყვეს, თავისუფალი თემა დაწეროს და გასაუბრების ეტაპი გაიაროს.

2004 წელს აფხაზური ენის გამოცდა ვერ ჩააბარა ალექსანდრ ანქვაბმა.

დე ფაქტო აფხაზეთში საპრეზიდენტო არჩევნები 2019 წლის 25 აგვისტოს გაიმართება.

მოპარულმა ძროხამ ქურდს წიხლი საზარდულში ჩასცხო – 50 წლის კაცი ადგილზე დაიღუპა

ინდოეთის შტატ კარნატაკაში მოპარულმა ძროხამ კაცი მოკლა. ამის შესახებ გამოცემა The Star-ი წერს.50 წლის ინდოელმა სახელად გოვინდაპამ ერთ-ერთ ფერმერს ძროხა მოპარა, მან ცხოველთან ერთად ორი კილომეტრი გაიარა, შემდეგ კი შეეცადა რომ ძროხა სატვირთო მანქანაზე აეყვანა, რა დროსაც ძროხა გაუძალიანდა და საზარდულში წიხლი ჩასცხო. მიღებული ტრავმის შედეგად კაცი ადგილზე დაიღუპა.

შემდეგ დღეს ადგილობრივმა მაცხოვრებლებმა გოვინდაპას ცხედარი სოფლის ბოლოში ნახეს.

“5 წლის ბიჭი მძიმედაა და ხელოვნური სუნთქვის აპარატზე ჰყავთ” – ოზურგეთში მომხდარი საზარელი ავარიის დეტალები

ოზურგეთის რაიონის სოფელ ძიმითში, ბიძას, რომელსაც მცირეწლოვანი ძმისშვილები მდინარეზე საბანაოდ ტრაქტორით მიჰყავდა საჭე ვერ დაიმორჩილა და გზიდან გადავარდა.

შემთხვევის შედეგად დაშავდა ოთხი პირი. სამს საავადმყოფოში პირველადი სამედიცინო დახმარება გაეწიათ და მათი მდგომარეობა დამაკმაყოფილებელია თუმცა, მძიმეა ერთი მცირეწლოვანი, რომელიც ამ დრომდე ხელოვნური სუნთქვის აპარატზეა მიერთებული.

“რომ შემოიყვანეს ბავშვი, ფუძის ძვლის მოტეხილობით იყო, მძიმე მდგომარეობაში. ძალიან მძიმედაა ახლაც, ხელოვნური სუნთქვის აპარატზე ჰყავთ, ექიმები კარგ პროგნოზებს ვერ აკეთებენ”- აღნიშნა “გურიის მოამბესთან” საუბრისას დაშავებული 5 წლის ბიჭის ბიძამ.