შინაგან საქმეთა სამინისტრო შეუერთდა საგზაო უსაფრთხოების შესახებ საზოგადოების ცნობიერების ამაღლების მიზნით დაწყებულ მასშტაბურ ერთიან საკომუნიკაციო კამპანიას – „უკეთესი და უსაფრთხო გზები საქართველოსთვის”, რომელსაც რეგიონული განვითარებისა და ინფრასტრუქტურის სამინისტრო ევროკავშირისა და ევროპის საინვესტიციო ბანკის EIB-ის მხარდაჭერით ახორციელებს.
კამპანიის სლოგანია: “არ გაიმეორო შეცდომა”. მისი მიზანია საზოგადოების ცნობიერების ამაღლება საგზაო წესების დაცვის აუცილებლობაზე და მოსახლეობის ინფორმირება საგზაო უსაფრთხოების მნიშვნელობის და რისკების შესახებ.
შინაგან საქმეთა სამინისტროსთვის პრიორიტეტული მიმართულებაა საგზაო მოძრაობის უსაფრთხოება. აღსანიშნავია, რომ 2022 წელს, საპატრულო პოლიციის დეპარტამენტის მიერ აღრიცხულ იქნა სიჩქარის გადაჭარბების გამო მომხდარი ავტოსაგზაო შემთხვევისას დაშავებული 526 პირი, ხოლო ამავე სამართალდარღვევის შედეგად დაიღუპა 57 ადამიანი.
არ გადააჭარბო სიჩქარეს!
